laugardagur, 1. janúar 2005

2005

Mér finnst alltaf svo skrýtið fyrstu daga nýs árs að skrifa nýja ártalið - svo það er eins gott að byrja bara strax að æfa sig.

Áttum virkilega notalegt gamlárskvöld í gær. Grillaðar nautasteikur bóndans brögðuðust afbragðsvel og eftir matinn sátum við fjölskyldan og spiluðum Gettu betur. Fórum síðan með eftirréttinn yfir til vinahjóna okkar hér í götunni, þeirra Sunnu og Kidda og hjá þeim var drukkið kaffi, horft á skaupið og skotið upp flugeldum. Ljúft!

Brjálaða veðrið sem búið var að spá kom ekki fyrr um miðja nótt og þá vorum við (gömlu hjónin) komin upp í rúm.

Lítur út fyrir letidag í dag, við erum nú samt búin að fara út í stuttan göngutúr þannig að við getum slappað af með góðri samvisku. Ég var líka svo dugleg í gær...

Engin ummæli: