Mér sýnist

að ég þurfi að syngja lagið "ein ég sit og sauma" næstu daga. Ekki veitir mér a.m.k. af því að byrja að merkja fatnaðinn hans Ísaks fyrir Vestmannaeyjaferðina - en eins og segir í bréfi til foreldra þá skal allur fatnaður vera merktur. Og ég held barasta að ekki ein einasta flík í hans eigu sé merkt, þannig að mér er ekki til setunnar boðið...

Kuldaboli hefur gert sig heimakominn á Norðurlandi undanfarið og verður að segjast að það er ansi hráslagalegt að fara út á morgnana. Mér varð hugsað til hennar Gullu sem er á Hvammstanga (ja, nema hún sé komin heim) því þar getur nú norðanáttin verið býsna nöpur, að minnsta kosti á tjaldstæðinu, það prófuðum við "á eigin skrokki" fyrir nokkrum árum síðan ;-)