Gaman í vinnunni

Það hefur verið stríður straumur fólks í Potta og prik undanfarnar vikur og ekkert nema jákvætt um það að segja. Margir eru að koma í fyrsta skipti en svo erum við líka komnar með svokallaða fastakúnna, þ.e. trygga viðskiptavini, og það er alveg frábært. Og það er svo skemmtilegt að vera í vinnunni þegar er mikið að gera. Maður fær tækifæri til að spjalla við fullt af fólki og fyrir manneskju eins og mig, sem hefur gaman af því að hitta fólk, þá er þetta draumastarf :-)